Жителите на неколку скопски општини денеска ќе останат без електрична енергија поради планирани технички зафати во електродистрибутивната мрежа, информираа од ЕВН Македонија АД. Прекините ќе траат неколку часа, а дел од нив ќе се одвиваат и во текот на поголем дел од денот.
Според најавата, без струја најпрво ќе бидат дел од корисниците во општина Центар. Во периодот од 09:00 до 12:00 часот, прекин во снабдувањето ќе има на улицата „Црвена Вода“ број 7.
Во општина Кисела Вода, од 09:00 до 13:00 часот, електрична енергија нема да имаат жителите на улицата „Саса“ – крак 24.
Прекини се најавени и во општина Карпош, каде од 09:00 до 14:00 часот без струја ќе останат дел од корисниците од улицата „6“ во населбата Бардовци.
Дополнително, ЕВН најави и подолг прекин во централното градско подрачје. Во периодот од 09:15 до 15:15 часот без електрична енергија ќе бидат корисниците од улиците „Самоилова“ и „Јоаким Крчовски“, а прекинот ќе го зафати и објектот на Музејот на современа уметност – Скопје.
Од компанијата посочуваат дека прекините се поради планирани технички интервенции со цел подобрување и одржување на електромрежата.
