Општина Бутел, која важи за една од најспортските општини со потврдени врвни резултати, продолжува со силна поддршка за своите спортски таленти и надежи. Денес официјално е распишан Јавниот повик за доделување на спортски стипендии за најуспешните спортисти во општината.
За оваа намена локалната самоуправа одвојува рекорден буџет, а јавниот повик ќе биде отворен во наредниот период за сите кои ги исполнуваат условите. Согласно Правилникот, главен критериум при изборот ќе бидат постигнатите спортски резултати, а за транспарентноста на целиот процес ќе одлучува посебна комисија составена од претставници на општинската администрација.
Општина Бутел во овој повик ќе додели стипендии поделени во шест категории:
- Прва категорија: Стипендија во износ од 12.000 денари месечно, во времетраење од една година.
- Втора категорија: Стипендија во износ од 8.000 денари месечно, во времетраење од една година.
- Трета категорија: Стипендија во износ од 5.000 денари месечно, во времетраење од една година.
- Четврта категорија: Еднократна парична поддршка во износ од 24.000 денари.
- Петта категорија: Еднократна парична поддршка во износ од 10.000 денари.
- Шеста категорија: Еднократна париčna поддршка во износ од 6.000 денари.
Начин на аплицирање:
Заинтересираните кандидати потребните документи треба да ги достават до архивата на Општина Бутел, со назнака: “Повик за доделување на спортski стипендии на спортисти на општина Бутел”.
Сите детални услови, критериуми и потребни документи за доделување на стипендиите се детално образложени во Правилникот и Јавниот повик, кои можат да се погледнат на официјалната веб-страница на општината.
