Еден од најследените и најактивни македонски јутјубери, Ритко, повторно предизвика огромно внимание на интернетот, откако во видео кое го стримаше во живо направи вистински хаос во својата соба. Настанот се случи додека повеќе од 4.000 негови фанови го следеа во истиот момент на неговиот канал.
За време на стримот, Ритко играше игри на среќа во живо, коментирајќи и шегувајќи се со гледачите, како што тоа често го прави. Но во еден момент неговото расположение драстично се смени и ситуацијата излезе од контрола. Извади копач и почна силно да удира по ѕидовите со што ја демолираше целата соба.
Само неколку минути подоцна, тој видливо вознемирен се јави во Брза помош да побара интервенција, па веднаш го исклучи својот лајв-стрим. Видео-клипот траеше кратко, но доволно за да стане вирален на сите социјални мрежи. Корисниците масовно го споделуваа, коментираа и создаваа реакции, поради што целиот настан експлозивно се прошири на интернет.
Иако Ритко е познат по својот специфичен хумор, енергија и автентичност што му донесоа илјадници следачи, овој пат публиката го виде во сосема различно издание. Многумина реагираа со грижа и поддршка, коментирајќи дека се надеваат дека ќе се стабилизира и ќе продолжи да создава содржини како порано.
Без разлика на контроверзноста, едно е сигурно – Ритко уште еднаш докажа дека е лик што креира силни реакции и дека секое негово појавување во живо брзо станува тема на македонскиот интернет.
