Како навистина изгледа животот на луѓето кои поседуваат милијарди долари? Приватни авиони, луксузни автомобили, огромни имоти и егзотични патувања се само дел од сликата што јавноста ја има за најбогатите луѓе во светот.
Но, Шантеј Бриџис, основачка на издавачката куќа BPH-Bridges Publishing House, која работела за милијардер, открива дека зад огромното богатство се крие и сосема поинакво секојдневие.
Во разговор за GOBankingRates, таа раскажала дека нејзиниот поранешен работодавец бил исклучително дисциплиниран и посветен на работата.
Иако имал доволно пари никогаш повеќе да не мора да работи, редовно доаѓал во канцеларија и лично учествувал во носењето важни деловни одлуки.
Постојано разговарал со вработените, поставувал прашања и сакал да биде информиран за секој аспект од работењето на компанијата.
Особено интересно било тоа што не го криел начинот на кој го стекнал богатството.
На своите вработени им објаснувал како го заработил првиот милион долари, кои одлуки му донеле успех и какви знаења се потребни за создавање нови извори на приходи.
Дури им дозволувал на раководителите да ги отвораат неговите деловни писма и да ги разгледуваат чековите што ги добивал, објаснувајќи им од каде потекнува заработката.
Сепак, богатството го користел и за луксузен живот, патувања, скапи автомобили и недвижности.
Она што најмногу ја изненадило Бриџис било неговото однесување кон вработените.
Тој вложувал во нивното образование, професионално усовршување и напредување во кариерата.
Покрај тоа, значителни средства донирал во хуманитарни организации и добротворни проекти ширум светот.
Според Бриџис, работата со овој милијардер била многу повеќе од обично вработување – претставувала можност одблизу да научи како размислува и работи човек кој изградил огромно богатство.
