Кошаркарскиот клуб Пелистер ги објави билетите за својот прв европски домашен натпревар, кој ќе се одигра во рамки на ФИБА Европскиот куп. Натпреварот ќе се одржи во Битола, во салата „Боро Чурлевски“, на 22 октомври со почеток во 19 часот, а противник ќе биде словачкиот тим Превидза.
Цената на билетот за оваа премиера изнесува 200 денари, а истите се веќе пуштени во продажба преку „ЗИКС“. На денот на натпреварот, влезници ќе можат да се купат и директно на билетарата од салата.
Во првиот натпревар од групната фаза, Пелистер загуби на гостувањето во Загреб од Цедевита Јуниор, додека третиот противник во групата ќе биде тимот Керавнос од Кипар.
Не дознавај последен - читај ПРВ.мк
