Европа повторно се издвојува како најпривлечна дестинација за пензионери, со три земји меѓу петте најдобри во светот според „Глобал ретајрмент репорт 2025“. Португалија, Маврициус и Шпанија се најатрактивни за пензионерите поради висок квалитет на живот, безбедност, ефективен даночен систем и леснотија на преселување. По нив следуваат Уругвај и Австрија.
Со зголемување на животната возраст и интересот за преселување, пензионерите сè почесто бараат места со пристапна клима, добри здравствени системи и стабилни општества. Португалија е рангирана на врвот благодарение на популарната „Д7 виза“ за пасивен приход, поволни даночни режими, блага клима и извонреден квалитет на живот.
Шпанија се наоѓа на третото место, нудејќи слични предности, додека Австрија е петта најдобра опција, особено заради високото ниво на јавни здравствени услуги. Јужна Европа се издвојува по медитеранскиот начин на живот, ниските трошоци и еколошките стандарди.
Извештајот покажува дека Европа нуди 32% од глобалните можности за визи за пензионирање, а земјите како Португалија, Шпанија и Грција комбинираат здравствена грижа, безбедност и пристап до визи за пасивен приход. Во Америка, пак, најмногу внимание е посветено на даночни олеснувања и пониски трошоци за живот, додека во Азија и Африка се нудат програми со лесни услови за аплицирање и пријатна клима.
Програмите „Златна виза“ и „Д7“ во Португалија досега донеле над 7 милијарди евра странски директни инвестиции, особено во недвижности, а слични шеми во Шпанија привлекле над 4,5 милијарди евра меѓу 2014 и 2023 година, иако програмата во Мадрид сега е укината.
Не дознавај последен - читај ПРВ.мк
