Населбата Кучевишка Бара наскоро ќе добие модерен простор за спорт и рекреација. Старото и руинирано фудбалско игралиште комплетно се реконструира и ќе блесне во сосема ново руво, со што жителите од овој дел на општината ќе добијат соодветно место за дружење и спортски активности.
Градежните работи за изградба на новиот спортско-рекреативен центар напредуваат со одлична динамика. Целиот комплекс ќе се протега на голема површина и ќе понуди голем број нови содржини прилагодени за сите генерации.
Според проектот, новиот спортско-рекреативен центар ќе ги содржи следниве содржини:
- Ново фудбалско игралиште: Теренот ќе биде опремен со висококвалитетна вештачка трева, што ќе овозможи одлични услови за рекреативците и младите спортисти.
- Ново детско игралиште: Овој простор комплетно ќе го замени старото и уништено игралиште, нудејќи нови, безбедни и модерни реквизити за најмладите.
- Урбана опрема: Во рамките на центарот ќе биде поставен нов летниковец и нови клупи за одмор на граѓаните.
- Парковско уредување: Просторот ќе биде збогатен со нов парк и уредени зелени површини.
Со реализацијата на овој проект, Општина Бутел продолжува да вложува во локалната инфраструктура, притоа зачувувајќи го и негувајќи го препознатливиот маалски дух. Изградбата на вакви комплекси е уште еден доказ дека Општина Бутел се менува во модерно и попријатно место за живеење.
