Разбојништво со закана со пиштол се случило во спортска обложувалница на подрачјето на Бит-пазар во Скопје.
Случајот бил пријавен утрово во 00:36 часот во СВР Скопје.
Според пријавеното, машко лице вооружено со пиштол влегло во објектот и, заканувајќи ѝ се на вработената, одзело пари од дневниот промет.
Полицијата презема мерки за пронаоѓање на осомничениот и целосно расчистување на случајот.
Засега нема дополнителни информации за идентитетот на сторителот или за точната сума на одземените пари.
