Интензивно напредуваат градежните работи на новиот објект во рамки на Спортскиот центар „Јасмин“ во Кавадарци. Проектот постепено ја добива својата конечна форма и претставува значајна инвестиција во развојот на спортската инфраструктура во градот.
Новиот објект ќе се простира на површина од 1.000 квадратни метри во основа, со подрум, приземје и кат, а ќе располага со современи содржини наменети за спортистите и спортските активности:
🏐 Куглана🤸♀️ Сала за гимнастика🏨 Седум апартмани за сместување на спортисти
Вредноста на инвестицијата изнесува 118 милиони денари, а проектот е целосно финансиран преку Владата, во рамки на вториот повик.
Со реализацијата на овој проект, Кавадарци продолжува да вложува во создавање современи услови за спорт, рекреација и развој на младите, потврдувајќи ја својата определба да се развива како модерен и спортски ориентиран град.
