СВР Тетово поднело кривична пријава против 39-годишниот Г.К. од гостиварското село Долна Бањица, поради сомнение за сторени кривични дела „кражба во обид“ и „неовластено изработување, држење, посредување и тргување со оружје и експлозивни материи“.
Според информациите од полицијата, на 5 ноември 2026 година пријавениот влегол во станот на лицето В.Р., од каде што се обидел да одземе два куфери во кои се наоѓале ловечки пушки и муниција. Оружјето било во легална сопственост на В.Р., кој поседувал соодветна дозвола за негово чување.
Во меѓувреме, сопственикот пристигнал во станот и забележал дека оружјето му недостасува, по што веднаш го пријавил случајот во полиција.
Полициски службеници излегле на местото на настанот, каде што го пронашле осомничениот. При интервенцијата, од него било одземено оружјето што претходно се обидел да го украде.
По преземените активности, СВР Тетово поднело кривична пријава против 39-годишникот за двете дела за кои постојат основи на сомнение.
