Студено утро, а потоа постепено затоплување во текот на денот се очекува во Македонија во понеделник. Времето ќе биде променливо облачно со сончеви периоди и слаб до умерен ветер од северен правец.
Утринските температури ќе се движат од 3 до 13 степени, додека максималните дневни ќе достигнат од 18 до 26 степени.
Најстудено утро се очекува во Берово, каде температурата може да се спушти до 3 степени. Најтопло во текот на денот ќе биде во Гевгелија со максимални 26 степени, додека во Маврово температурата ќе достигне до 18 степени.
Во Скопје ќе биде променливо облачно со сончеви периоди и слаб до умерен северен ветер. Утринската температура ќе биде околу 9, а дневната ќе достигне до 25 степени.
Слични временски услови се очекуваат и во вторник и среда. Ќе има комбинација од облачност и сончеви периоди, а дневните температури ќе останат во интервал од 18 до 26 степени.
