Палевски пред судот: Манев го организираше злосторството, Боре пукаше, Кешишев беше стражар
Обвинетиот Љупчо Палевски, на денешното судење за убиствата на Вања Ѓорчевска и Панче Жежовски, изјави дека не е виновен и дека е обвинет без конкретни докази.
Во завршниот збор, тој за првпат ги обвини другите: според него, Боре Видевски го извршил пукањето, Велибор Манев го организирал злосторството, а Влатко Кешишев бил поставен како стражар. Палевски нагласи дека неговите изјави се конзистентни и дека во возилото каде што биле жртвите не биле пронајдени негови траги, што според него докажува дека не учествувал.
