Јелена Карлеуша повторно го привлекува вниманието на јавноста, овојпат поради нејзината блискост со младиот манекен Александар Шево, со кого во последно време сè почесто се појавува.
Според српските медиуми, Карлеуша и Шево заедно летувале, а младиот манекен ја пречекувал и на аеродром по нејзините настапи. Иако самиот не сака премногу да се експонира во јавноста, сега вниманието го привлече и неговото семејство.
Како што пишува „Мондо“, татко на Александар е Милан Шево, човек чие име е познато во деловните кругови, но и во Шведска, каде во изминатите децении бил предмет на медиумски интерес.
Според информациите што ги пренесуваат српските медиуми, Милан Шево е поврзан со сериозни бизниси во нордиските земји и во Србија, каде последните години живее со своето семејство.
Извор за „Курир“ тврди дека Шево е сопственик на елитен ресторан во Белград, како и на повеќе деловни простории што ги издава.
Истиот извор го опишува како влијателен човек во белградските деловни кругови, кој, и покрај својата финансиска моќ, не сака премногу јавно да се експонира.
Во меѓувреме, интересот за неговиот син Александар дополнително порасна по сè почестите појавувања во друштво на Карлеуша.
