Наташа Беквалац, според пишувањето на српски „Курир“, веќе неколку месеци е во нова љубовна врска, која засега ја чува далеку од очите на јавноста.
Како што наведува медиумот, станува збор за белградски бизнисмен со иницијали С. Р., чие целосно име не е објавено. За нивната врска, наводно, знае само најтесниот круг пријатели и членови на семејството.
За разлика од некои нејзини претходни врски кои беа силно медиумски експонирани, Беквалац овојпат наводно решила приватноста да ја стави на прво место. Двајцата ретко се појавуваат сами на јавни места, не објавуваат заеднички фотографии, а според написот, дури и не се следат меѓусебно на Инстаграм.
Сепак, интересно е што С. Р. ја следи сестрата на Наташа, Кристина Беквалац, а и таа го следи него.
Извор на „Курир“ тврди дека двојката се запознала пред неколку месеци и дека нивниот однос постепено се развивал. Наводно, двајцата намерно избегнуваат места каде што би можеле да привлечат внимание од фотографите.
Според истиот извор, Наташа и нејзиниот нов партнер веќе биле заедно и на Миконос, а присуствувале и на повеќе настани и забави во Белград. Кога излегуваат, наводно најчесто се во поголемо друштво, поради што досега успевале да ја сокријат врската.
С. Р. неодамна планирал да го прослави својот роденден во белградски клуб токму за време на настап на Наташа, но наводно се откажал од идејата за да не предизвика сомнежи. Наместо тоа, организирал ручек со пријателите, а подоцна во текот на ноќта пристигнал на нејзиниот настап.
Беквалац зад себе има три брака и две ќерки, а во последните години ретко зборува јавно за својот емотивен живот.
Од тимот на „Курир“ побарале коментар од пејачката преку нејзината ПР-служба, но до објавувањето на текстот не добиле одговор. Оттука, информациите за новата врска засега остануваат медиумски наводи, без потврда од самата Беквалац.
