Британскиот инфлуенсер и бизнисмен Иго „Тајни“ Убирибо починал на 43-годишна возраст по естетски третман за зголемување на половиот орган во Бангкок. Британската истрага подоцна утврдила дека неговата смрт била предизвикана од смртоносна белодробна емболија поврзана со материјалот употребен при процедурата.
Убирибо во март отпатувал во Тајланд со сопругата Даниел Симба Ален. За време на престојот решил да направи естетски третман, при што во клиника му била инјектирана комбинација од хијалуронска киселина и лидокаин.
По интервенцијата, тој и неговата сопруга заминале на масажа. Токму таму почнал да чувствува болки во градите, по што двапати изгубил свест.
Веднаш бил пренесен во болница во Бангкок, каде неговата состојба нагло се влошила. Медицинскиот тим повеќе од 100 минути се обидувал да го реанимира, но без успех. Починал во раните утрински часови на 6 март.
Подоцнежното испитување во Велика Британија покажало присуство на материјал во неговите бели дробови кој одговарал на хијалуронската киселина употребена при третманот. Британскиот коронер заклучил дека процедурата довела до белодробна емболија, која ја предизвикала смртта.
Убирибо бил добро познат на социјалните мрежи, каде имал околу 185.000 следбеници и често објавувал фотографии од патувања и својот луксузен начин на живот.
Иако починал уште во март, случајот повторно го привлече вниманието на јавноста откако беа објавени деталите од истрагата и заклучокот на британскиот коронер. Случајот повторно го отвори и прашањето за потенцијалните ризици од естетските процедури кои вклучуваат вбризгување
