Моќната бура „Остин“, со ветрови кои достигнувале брзина од над 135 километри на час, предизвикала големи проблеми во јужните и југозападните делови на Велика Британија.
Повеќе од 18.000 домаќинства останале без електрична енергија, додека железничкиот сообраќај бил прекинат на повеќе делници, а бројни авионски летови биле откажани.
Во Брајтон, огромните бранови предизвикале делумно уривање на историскиот пристаништен објект „Вест Пир“, изграден во 1866 година.
Метеоролозите предупредуваат дека опасноста не е помината, бидејќи во текот на викендот се очекуваат нови обилни врнежи и силни ветрови.
