Судијата од Апелацискиот суд Скопје, Ѓоко Ристов, кој е во центарот на вниманието на јавноста откако беше осомничен за „противправно стекнување и прикривање имот“ и „перење пари и други приноси од казниво дело“, останува во куќен притвор.
Причината за мерката е наоѓањето на 350.000 евра во домот на неговите родители, што предизвика бурни реакции во јавноста. Судот истовремено ја одбил неговата жалба, а судијата е оставен без пасош и судски имунитет.
Одбраната тврди дека родителите на Ристов продале имот за поставување на фотоволтаици, вреден 400.000 евра, но јавноста сè уште бара одговор на прашањето: На кои случаи работел судијата додека ја стекнувал оваа огромна сума?
