Најмалку 54 лица се повредени во експлозија во џамија во образовен комплекс во северниот дел на Џакарта, Индонезија, во Келапа Гадинг.
Според властите, повредите се различни – од лесни до умерени, а дел од повредените веќе се пуштени од болница. Снимките покажуваат дека џамијата не претрпела сериозни оштетувања.
Локалната полиција ја истражува причината за инцидентот, а началникот Еди Сухер потврди дека првичните информации сеуште се собираат.
