Патиштата и пазарите се испразнија во текот на попладнето, а некои фармери преминаа на ноќна работа за да го избегнат топлотниот бран што зафати големи делови од Индија.
Индиската метеоролошка служба за денеска прогнозира температура од 45 степени Целзиусови во главниот град Њу Делхи, каде што властите отворија привремени „зони за ладење“ за да им помогнат на жителите.
Метеоролозите предупредија дека ваквите услови најверојатно ќе се задржат во неколку северни региони во наредните денови и дека температурата ќе остане значително над сезонскиот просек.
Упатен апел до луѓето да не излегуваат надвор
Властите ги повикаа луѓето да останат во затворени простории во текот на најтоплиот дел од денот и да преземат мерки за претпазливост.
Индија прогласува топлотен бран кога температурата ќе надмине 40 степени Целзиусови, потсетуваат локалните медиуми.
Екстремните горештини го нарушија секојдневниот живот во неколку северни сојузни држави.
