Цените на енергенсите на светските и европските пазари продолжуваат да растат, а денеска е забележан нов скок на цената на суровата нафта.
Нафтата од типот „Брент“ го надмина нивото од 106,04 долари за барел, продолжувајќи го нагорниот тренд на меѓународните пазари.
Истовремено, американската нафта WTI (West Texas Intermediate) се тргува околу 101,09 долари за барел кај фјучерс-договорите.
Раст е забележан и кај европскиот природен гас, чија цена повторно се приближи до 80,51 евро за мегават-час.
Паралелно со поскапувањето на енергенсите, дел од европските берзански индекси се движат во негативна зона. Германскиот DAX бележи пад од 0,30 отсто, рускиот MOEX е во минус од 0,11 отсто, додека FTSE е намален за 0,57 отсто.
