Заменик-претседателот на Рускиот совет за безбедност, Дмитриј Медведев, предупреди дека ако Киев и неговите сојузници од НАТО воведат зона на забранети летови над Украина, тоа ќе значи почеток на војна меѓу НАТО и Русија. Тој ја нарече оваа идеја „провокативна“ и изјави дека соборувањето руски беспилотни летала од страна на земјите членки на НАТО ќе има сериозни последици.
Медведев исто така порача дека ако Украина добие заем на сметка на руски имот, Москва ќе ги тужи земјите од Европската Унија на сите можни судови и ќе презема и други мерки, дури и надвор од судската постапка.
Ова следи откако полскиот министер за надворешни работи, Радослав Сикорски, изјави дека Варшава и сојузниците треба да ја разгледаат можноста за создавање зона на забранети летови над Украина.
