Тајланд и Камбоџа потпишаа договор за прекин на огнот, со што заврши неколкунеделниот конфликт на нивната заедничка граница. Прекинот на огнот стапи на сила напладне по локално време, а двете страни се согласиле да го задржат сегашното распоредување на трупите без понатамошно движење.
Спогодбата ја потпишаа тајландскиот министер за одбрана Натафон Накрфанит и неговата камбоџанска колешка Теа Сеиха.
Конфликтот траеше околу 20 дена и претставува најтешки судири меѓу двете земји во последните години. За време на борбите беа употребени борбени авиони, ракетен оган и артилерија. Загинаа најмалку 101 лице, а повеќе од половина милион луѓе беа раселени од двете страни на границата.
Судирите повторно започнаа на почетокот на декември, по претходното примирје посредувано од американскиот претседател Доналд Трамп кое беше прекинато во јули.
