Жителите на Бирмингем и поширокиот регион Западен Мидлендс беа изненадени од необичен призор – небото светеше во интензивна розова боја, додека снежни врнежи го покриваа градот.
На социјалните мрежи веднаш се појавија шпекулации: од невообичаено силен залез на сонцето до можно појавување на поларна светлина.
Сепак, според Би-Би-Си, изворот на необичниот розов сјај бил фудбалскиот стадион „Сент Ендрус“, дом на клубот „Бирмингем Сити“. Стадионот користи специјални розови LED светилки за одржување на тревникот, а нивната светлина се одбива од ниските облаци поради специфичните временски услови, создавајќи впечатлив ефект на небото.
Метеорологот на Би-Би-Си, Сајмон Кинг, објасни дека комбинацијата од снег и густа облачност ја зголемува рефлексијата на светлината во атмосферата, што ја менува бојата на небото и го создава впечаток на розов сјај. Стадионот „Сент Ендрус“ е идентификуван како главен виновник за оваа необична појава.
