Семејството на украинскиот војник Назар Далецки беше убедено дека тој загинал во 2023 година и го погреба на селските гробишта во западна Украина. Но, оваа недела Назар се јавил на својата мајка Наталија – жив и здрав, откако бил ослободен од руско заробеништво во последната размена на заробеници, пренесува Би-Би-Си.
„Беше толку чудно. Го погребав синот, а сега го слушам неговиот глас. Неопислива среќа“, изјавила потресената мајка. На видеоснимка од првиот повик, се слуша како Наталија го прашува дали е цел, дали сè е на место, а братучетката Роксолана скока од радост во позадина.
Назар исчезнал во мај 2022 година, на почетокот на руската инвазија. Семејството добило информации дека е заробен, но официјално бил сметан за мртов сè додека неговото тело, идентификувано со ДНК, не било погрешно прогласено. Минатиот септември дошол првиот шокантен пресврт – војник ослободен од заробеништво потврдил дека Назар е жив.
Три години и девет месеци откако го сметале за загинат, Назар конечно се јавил од украинска територија. Семейството ги отстранило објавите од социјалните мрежи и фотографиите од изложбата посветена на паднатите херои за да го заштити од вознемирување додека се опоравува.
„Само сакам повеќе вакви среќни приказни, и други семејства да го доживеат овој момент“, порача Роксолана. Во Украина сè уште се водат околу 70.000 лица како исчезнати, најмногу војници, а приказната за Назар е вистински зрак надеж за многумина.
