Најмалку четири лица, меѓу кои и едно дете, се повредени во тешка ланчана сообраќајна несреќа што вечерва се случила на новосадскиот автопат во Белград, на делницата од ТЦ „Земун“ кон Батајница.
Несреќата се случила непосредно пред 19 часот, кога повеќе возила се судриле под засега неразјаснети околности. Според првичните информации, на местото веднаш пристигнале екипи на Итната помош и полицијата.
Тројца повредени биле пренесени во Ургентниот центар, додека детето итно било транспортирано во Универзитетската детска клиника во Тиршова. Засега нема официјални податоци за тежината на повредите, ниту за причините што довеле до судирот.
Полицијата извршува увид на местото на настанот, а сообраќајот во тој дел од автопатот се одвива отежнато. Надлежните најавуваат повеќе информации по завршувањето на истрагата.
