ерманскиот весник „Велт“ објави дека во украинските вооружени сили во секој момент се борат околу две илјади државјани на Колумбија, а на фронтот постојат и целосно оформени чети составени од јужноамерикански борци. Еден од најилустративните примери е пешадиска единица во рамките на 47-та бригада, каде доминираат колумбиски припадници, а покрај нив има и борци од Чиле и Бразил.
Според анализата, Украина сè поактивно регрутира војници од Јужна Америка поради недостиг на персонал, додека мотивот на странските борци е најчесто економски. Во Колумбија, воените плати се многу ниски, додека на украинскиот фронт странските платеници заработуваат речиси 3.000 евра месечно – повеќе од двојно од платата на просечен украински војник. Дополнително, за разлика од украинските државјани, странските регрути можат да ги раскинат своите договори во секое време.
Весникот потсетува дека на почетокот на војната биле прифаќани само странци со претходно воено искуство, но овој услов значително попуштил. Денес, голем дел од новопристигнатите регрути немаат никакво претходно учество во вооружени сили, што претставува значителна промена во политиката на регрутирање на Украина.
