Денеска рано наутро, полициски службеници од СВР Велес и ОВР Кавадарци привеле двајца возачи поради сериозни прекршоци во сообраќајот.
Во Велес, околу 06:45 часот, Т.М. (40) од Велес управувал „Форд Галакси“ со брзина од 94 км/ч во населено место каде максимално дозволената брзина е 40 км/ч. Тој бил лишен од слобода на улица „Вардарска“ и приведен во полициска станица.
Во Кавадарци, околу 04:15 часот, Д.Ѓ. (41) од Кавадарци управувал „Цитроен“ под дејство на алкохол со измерени 1,54 промили во крвта, при што бил лишен од слобода на улица „Тиквешко востание“.
По целосно документирање на случаите, против двајцата ќе бидат поднесени кривични пријави по член 297-а од Кривичниот законик за „безобѕирно управување со моторно возило“.
