На антивладините протести што се одржаа во саботата во Мексико Сити, најмалку 120 лица се повредени, меѓу кои 100 полицајци, додека 20 лица се уапсени, соопшти локалната полиција.
Протестите ги организираше групата „генерацијата З“ како израз на незадоволство од криминалот, корупцијата и неказнивоста во земјата. Демонстрантите демонтираа делови од бариерата пред Националната палата, по што полицијата употреби солзавец за да ги растера.
Активистите, исто така, го изразија своето револтирање поради убиствата на познати личности, меѓу кои и градоначалникот на Уруапан, Карлос Манзо, кој беше застрелан на 1 ноември поради својата борба против нарко-картелите.
