Најмалку 24 лица го загубија животот, меѓу кои повеќе од 20 деца помлади од 10 години, во катастрофален пожар што избувнал во училиште во градот Букаву, во источниот дел на Демократска Република Конго.
Според информациите од локалните власти, пожарот избувнал кратко по почетокот на наставата во училиште во густо населената населба Чимпунда. Огнот брзо се проширил и кон околните објекти, при што биле уништени стотици дрвени куќи.
Досега е потврдена смртта на 18 девојчиња, пет момчиња и едно возрасно лице. Загинатите ученици биле на возраст под 10 години.
Десетици други лица се повредени, а дел од нив се наоѓаат во критична состојба, поради што властите стравуваат дека бројот на жртвите би можел дополнително да се зголеми.
Според медиумските извештаи, дел од децата настрадале во стампедо додека луѓето во паника се обидувале да побегнат од огнената стихија.
Причината за пожарот засега не е утврдена.
Букаву е главен град на покраината Јужен Киву и се наоѓа во источниот дел на ДР Конго, регион кој со децении е погоден од вооружени конфликти. Градот е под контрола на бунтовничката група М23.
