Фудбалерот од средниот ред на Баерн Минхен, Џамал Мусиала, минал низ успешна операција поради фрактурата што ја задоби за време на Светското клупско првенство во САД, потврди клубот.
Повредата му се случи кога голманот на Пари Сен Жермен, Донарума, го собори Мусиала кон крајот на првото полувреме во четвртфиналниот натпревар меѓу Баерн и ПСЖ, кој заврши со победа на Баерн од 2-0. Младиот, 22-годишен фудбалер мораше да го напушти теренот уште на полувремето поради сериозната повреда на левата нога.
Клубот соопшти дека Мусиала ќе започне со рехабилитација веќе во вторник, но според проценките, тој нема да биде во составот неколку месеци.
Се очекува играчот да ја пропушти и квалификациската фаза за Светското првенство 2026 година што се одржува во септември. Сепак, Мусиала ќе се фокусира да биде подготвен за Светското првенство кое следната година ќе се игра во Северна Америка почнувајќи од јуни.
Баерн Минхен ќе има тринеделна пауза пред почетокот на подготовките за новата сезона, а првиот официјален натпревар ќе биде Суперкупот против Штутгарт на 16 август.
