Фудбалерот на Барселона, Пау Кубарси, е прогласен за најдобар млад фудбалер во Европа за 2026 година, освојувајќи ја престижната награда „Златно момче“ (Golden Boy), која традиционално ја доделува италијанскиот спортски весник „Тутоспорт“.
Деветнаесетгодишниот дефанзивец го доби признанието наменето за најдобрите фудбалери до 21 година кои настапуваат во европските првенства.
Кубарси зад себе има исклучително успешна година. Со Барселона ја освои титулата во шпанската Ла Лига и Суперкупот на Шпанија, додека со репрезентацијата на Шпанија стана светски шампион на Мундијалот во 2026 година.
Неговите одлични настапи на Светското првенство му ја донесоа и наградата за најдобар млад фудбалер на турнирот.
Со ова признание, Кубарси стана петтиот фудбалер на Барселона кој ја освоил наградата „Златно момче“.
Претходно ова престижно признание го добија Лионел Меси во 2005 година, Педри во 2021, Гави во 2022 и Ламин Јамал во 2024 година.
Наградата се доделува од 2003 година, а Кубарси е само вториот дефанзивец во историјата кој успеал да ја освои.
Признанието „Златна девојка“ (Golden Girl) оваа година ѝ припадна на 19-годишната шведска репрезентативка и фудбалерка на Реал Мадрид, Фелисија Шредер.
