Навивачите на Баерн Минхен испратија жестока порака до УЕФА непосредно пред почетокот на натпреварот против Бодо/Глимт во Лигата на шампионите.
На трибините на „Алијанц Арена“ беа истакнати два големи транспаренти со кои навивачите го изразија незадоволството од одлуките на европската фудбалска централа поврзани со забраните за гостински навивачи.
„Европскиот фудбал се обединува за да ги запре колективните забрани?“, пишуваше на едниот транспарент.
На вториот пораката беше уште подиректна:
„Бајката на УЕФА – 20 забрани во последните неколку недели.“
Навивачите на германскиот гигант сметаат дека забранувањето присуство на цели гостински навивачки групи претставува форма на колективно казнување. Според нив, не е праведно илјадници навивачи да останат без можност да го следат својот клуб поради инциденти предизвикани од мал број поединци.
Протестот во Минхен доаѓа во период кога навивачките групи ширум Европа сè погласно го изразуваат незадоволството од ваквите санкции.
Со транспарентите на „Алијанц Арена“, навивачите на Баерн побараа промена на пристапот на УЕФА и индивидуална одговорност наместо казнување на цели навивачки групи.
