Години наназад се раскажуваше романтичната приказна дека Кристијано Роналдо ја запознал Георгина Родригез додека таа работела во бутикот „Гучи“. Но, поранешниот колега на Георгина, Пабло Боне, тврди дека таа верзија е целосно лажна и внимателно изрежирана од ПР тимот на славниот фудбалер.
Боне вели дека Георгина не била вработена во „Гучи“ во моментот кога се запознале, туку добила работа таму дури подоцна – со цел да се изгради поубава слика за нивната љубовна приказна. Според него, вистинското прво запознавање се случило во дискотеката „Опиум“ во Мадрид.
Дополнително, Боне тврди дека Георгина пред врската со Роналдо имала афери со шпанскиот пејач Сантана и актерот Мигел Анхел Силвестре.
Од страна на Роналдо и Георгина сè уште нема коментар, ниту демант за оваа алтернатива на нивниот љубовен почеток.
