Жена на возраст од 55 години е тешко повредена откако управувајќи електричен велосипед удрила во пешак на булеварот „Партизански одреди“ во Скопје. Сообраќајната несреќа се случила вчера околу 20 часот, а ја потврди МВР.
Во судирот учествувале велосипед „Бенели“ и пешак на возраст од 50 години. Жената со тешки повреди е пренесена во Градската болница „Св. Наум Охридски“, каде ѝ била укажана лекарска помош.
Полицијата работи на целосно расчистување на случајот.
