Пожар избувнал на улица „Цетинска“ во скопската општина Бутел, но благодарение на брзата интервенција на Противпожарната бригада на Град Скопје, огнот бил навреме локализиран и целосно изгаснат.
Екипите на пожарната веднаш интервенирале на терен и успеале да спречат понатамошно ширење на пожарот.
За настанот информираше градоначалникот на Бутел, Дарко Костовски, кој упати благодарност до пожарникарите за нивната брза и професионална реакција.
Според објавеното, пожарот е ставен под контрола и изгаснат, а во информацијата нема наведени податоци за повредени лица или поголема материјална штета.
