Повеќе делови од Скопје и околината утре, 24 септември, привремено ќе останат без електрична енергија поради планирани активности на електродистрибутивната мрежа, информираат од ЕВН Македонија.
Прекини во снабдувањето со електрична енергија се најавени во неколку скопски општини.
Во Општина Бутел, дел од улицата „Костурска“ ќе биде без струја од 07:50 до 09:50 часот. Дополнително, од 10:05 до 12:05 часот, прекин ќе има на дел од истата улица, како и кај болниците „Санте Плус“ и „ВФВ“.
Во Општина Сарај, без електрична енергија од 08:30 до 14:00 часот ќе биде дел од главната улица во близина на маркетот „Ер Грос“ и „Јони хоум центер“.
Во Општина Кисела Вода, прекин е најавен за улиците „Емил Зола“ и „Мишко Михајловски“ од 09:00 до 14:30 часот.
Во Општина Илинден, улиците 10 и 21 во село Кадино ќе останат без струја од 09:00 до 13:00 часот, поради планирани интервенции на мрежата.
Во Општина Карпош, дел од улицата „Варшавска“ ќе биде без електрична енергија од 13:00 до 14:00 часот.
Од ЕВН посочуваат дека прекините се поврзани со однапред планирани активности на електродистрибутивната мрежа.
