Основното јавно обвинителство – Скопје отвори истрага против 27-годишен маж, осомничен за производство и дистрибуција на детска порнографија. Според обвинителството, тој набавувал и поседувал фотографии и видеа со експлицитни содржини со малолетни лица, кои ги чувал на мобилен телефон и таблет.
Материјалите ги добивал преку интернет – користејќи апликации, веб-страници и форуми, каде разменувал содржини со други лица.
За време на постапката, обвинителот побара применување на мерки на претпазливост: забрана за напуштање на живеалиште, одземање на пасош, редовно јавување во суд, како и забрана за користење интернет-апликации и контактирање со лицата со кои ја разменувал порнографската содржина.
