Градоначалникот на Кавадарци, Митко Јанчев, оствари работна средба со вршителот на должност заменик-амбасадор Закари Харисон и офицерот за политички работи Кејли Мекејлеб.
На состанокот биле разгледани приоритетите на Општина Кавадарци, тековните предизвици со кои се соочува локалната самоуправа, како и можностите за натамошен развој на општината.
Посебно внимание било посветено на регионалниот развој и создавањето нови можности за граѓаните. Јанчев ги презентирал реализираните проекти, потенцијалите на Кавадарци и плановите за понатамошен економски и инфраструктурен напредок.
Средбата била искористена и за размена на искуства и идеи, како и за разгледување можности за продлабочување на соработката во области од заеднички интерес.
