Основниот суд во Битола не го прифати предлогот на ОЈО Битола за определување мерка притвор за двајцата осомничени, вклучувајќи го и Борче Марковски, сопственик на „Марковски компани ДООЕЛ“. Наместо тоа, судот определи куќен притвор.
Надлежниот јавен обвинител не се согласува со оваа одлука, особено поради ризикот од бегство на осомничените, од кои едниот поседува значителен имот во странство. Обвинителството најави жалба и барање за ефективен притвор.
