Норвешка повторно ја поместува границата на инженерството. Под површината на морето, на длабочина од неверојатни 400 метри, се гради „Рогфаст“ – најдолгиот и најдлабок подводен тунел во светот. Овој монументален проект ќе ја скрати патната рута по норвешкиот брег од 13 часа на само половина час.
Тунелот, долг 27 километри, ќе ги поврзе окрузите Рандаберг и Бокн, елиминирајќи ја потребата од фериботи кои досега го забавуваа патувањето по крајбрежниот пат Е39. Со тоа, шест норвешки градови конечно ќе бидат директно поврзани – без прекини, без чекање и без ризик од лоши временски услови.
Изградбата започнала во 2018 година, но поради пандемијата и комплексната геологија, напредокот бил побавен од очекуваното. Иако проектот вреди 1,9 милијарди евра, властите уверуваат дека придобивките се далеку поголеми: побрз транспорт, економски раст, стабилна трговија и туристички бум.
Со четири ленти – по две во секоја насока – и без влијание на временските услови, „Рогфаст“ претставува револуција за скандинавскиот транспорт.
Овој подводен џин не е само тунел, туку симбол на човечката способност да го победи морето. До 2033 година, возачите ќе можат да се движат 400 метри под површината на океанот – низ највпечатливото инженерско чудо што некогаш било изградено во Европа.
