По успешната изградба на новата фекална канализација во должина од 160 метри, започна втората фаза за подобрување на инфраструктурата и изгледот на населбата „Бел Камен“.
Екипите на Ј.П. „Комуналец“ од Кавадарци, во блиска соработка со проектот „Мој општинар“, во моментов интензивно работат на комплетно хортикултурно уредување на оваа локација.
Проектот опфаќа уредување на површина од дури 1.000 метри квадратни, каде што се планирани нови зелени површини кои значително ќе го подигнат квалитетот на живеење на жителите и ќе му дадат нов, естетски лик на овој дел од градот.
