Екипите на Јавното претпријатие „Комуналец“ Кавадарци интензивно работат на терен за санирање на оштетувањата на коловозите на повеќе локации низ градското подрачје.
Активностите опфаќаат санирање на ударни дупки и прекопи на улиците, со цел да се подобри безбедноста во сообраќајот и да се овозможи неопречено и нормално одвивање на сообраќајната мрежа во градот.
Од претпријатието истакнуваат дека санацијата на оштетените коловози ќе продолжи и во наредниот период, опфаќајќи ги сите критични точки на кои има потреба од интервенција.
