Времето денеска ќе биде променливо облачно, со повремени сончеви периоди. Во попладневните часови и во текот на ноќта во западните делови од земјата ќе има услови за локални врнежи од дожд, додека на повисоките планини е можна појава на слаб снег.
Ќе дува слаб до умерен ветер од југоисточен правец.
Минималните температури ќе се движат од -2 до 6 степени, а дневните максимални ќе достигнат од 9 до 15 степени.
Времето во Скопје
Во Скопје претпладне ќе преовладува претежно сончево време, додека во вечерните часови ќе има услови за локален дожд. Ќе дува слаб до умерен ветер од променлив правец.
Минималната температура ќе се спушти до -1 степен, а максималната ќе достигне до 15 степени.
Какво време ќе има во Велес?
Во Велес денот ќе биде претежно сончев, со повремена умерена облачност. Според локалната прогноза, температурата ќе се движи од околу 6 степени во утринските часови до максимални 13 степени во текот на денот. Во попладневните и вечерните часови облачноста ќе биде поизразена, но веројатноста за врнежи останува релативно мала.
Какво време нè очекува во наредните денови?
Според прогнозата на Управата за хидрометеоролошки работи, во понеделник времето ќе биде претежно облачно, со повремени локални врнежи од дожд.
Од вторник следува стабилизирање на временските услови, со променлива облачност во текот на денот. Во петок повторно ќе има услови за појава на слаб локален дожд.
Во наредниот период ќе дува слаб до умерен ветер од југоисточен правец, соопшти УХМР.
