Скопје влегува во најжешката изборна трка до сега — на Локалните избори 2025 право на глас имаат 474.304 граѓани кои ќе одлучуваат меѓу 16 кандидати за градоначалник на Град Скопје, а меѓу нив има само една жена.
Покрај тоа, за 45 советнички места се натпреваруваат дури 19 листи со 855 кандидати. Скопјани истовремено ќе гласаат и за градоначалници и советници во општините каде што живеат, па на денот на изборите ќе добијат четири гласачки ливчиња кои ќе треба внимателно да ги пополнат и спуштат во означените кутии.
Сè е подготвено за изборниот мегдан во главниот град – кој ќе го освои Скопје оваа есен?
