Сообраќајот на Граничниот премин Богородица од 18:00 часот е целосно блокиран за сите видови возила поради штрајк организиран од грчките земјоделци, соопшти АМСМ.
Претходно, во 17:45 часот, АМСМ информираше дека „Богородица“ била отворена само за патнички автомобили, додека ГП Меџитлија функционирал за сите видови возила.
Сообраќајот на останатите државни патишта се одвива непречено, со наместа влажни коловози. Сепак, намалена видливост до 50 метри се регистрира на планинските превои Ѓавато, Плетвар, Стража и Крушево поради магла.
