Коментар со омраза може да ве доведе до кривична одговорност

  Пишувањето коментари со омраза или посакување смрт може да поттикне слично однесување и кај други корисници, особено на социјалните мрежи и онлајн медиумите. Тоа претставува сериозен ризик за безбедноста на поединци, особено новинари, а одговорноста не ја сносат само директните сторители, туку и оние што ги охрабруваат. Иако слободата на изразување е основно човеково право, таа носи и одговорност – особено кога се преминува границата на говорот на омраза.