Фудбалерот Немања Гудељ уште еднаш покажа колку му значи љубовта со Анастасија Ражнатовиќ – овој пат со нова тетоважа која ѝ ја посвети директно на неа.
На левата рака, покрај веќе постоечките тетоважи со имињата на неговите најблиски – сестра му Вања и брат му Драги – фудбалерот го истетовира и нејзиното име: „Анастасија“.
Пејачката веднаш се пофали со новиот детаљ, кој уште еднаш сведочи за нивната длабока и искрена врска. По венчавката, Гудељ на својот врат веќе имаше истетовирано знак за бесконечност заедно со иницијалите „Н и А“, но изгледа љубовната инспирација не запира тука.
Гудељ инаку е голем љубител на тетоважи – на своето тело има посветено тетоважи не само на членовите од семејството, туку и на своето куче, што го прави секој потег уште посебен и личен.
