Популарната регионална музичка ѕвезда Северина повторно го привлече вниманието на јавноста, овојпат со фотографии од своето патување во Италија, каде што ужива во убавините на Сицилија.
Пејачката на својот инстаграм-профил сподели серија фотографии од живописните улици на Палермо, а покрај прекрасната архитектура и медитеранската атмосфера, во центарот на вниманието се најде и нејзината впечатлива модна комбинација.
За прошетката низ италијанскиот град Северина избрала елегантен црн фустан со средна должина, украсен со раскошни цветни мотиви во розови, црвени и зелени нијанси.
Горниот дел од фустанот бил дополнет со проѕирна тантела и долги ракави, додека разиграното здолниште му давало романтичен изглед на целиот стајлинг.
Посебно внимание привлекле зелените сандали со потпетици, кои внесле дополнителна свежина во комбинацијата. Изгледот го заокружила со мала црна чанта со златни детали, дискретен накит и коса собрана во ниско опавче.
Северина позирала на улиците и плоштадите на Палермо, користејќи ги историските згради, балконите и палмите како совршена заднина за фотографиите.
„Кога си на Сицилија, биди Сицилијанка“, напишала пејачката покрај објавата.
Фотографиите набргу предизвикале бројни позитивни реакции, а нејзините следбеници не ги штеделе комплиментите за изгледот и стилот.
Меѓу коментарите се издвојувале и пораки со поддршка, во кои обожавателите ја охрабрувале да остане своја, искрена и полна со позитивна енергија.
Со најновото појавување Северина уште еднаш ја покажа својата љубов кон Италија, но и препознатливото чувство за мода со кое редовно го привлекува вниманието на јавноста.
