Министерот за култура и туризам, Зоран Љутков, денес изврши увид во тековната реконструкција на Старата чаршија во Гевгелија, заедно со градоначалникот Андон Сарамандов и тимот од Завод и музеј – Струмица.
Проектот, со инвестиција од над 40 милиони денари, опфаќа реставрација на дуќаните, ново поплочување, урбана опрема, осветлување и подземни инсталации.
Министерот истакна дека со оваа интервенција Старата чаршија ќе ја зачува својата автентичност, а истовремено ќе стане современо културно-туристичко јадро, атрактивно за сите посетители и значаен простор за промоција на локалното културно наследство.
