Трагичен настан се случил во аргентинскиот град Сумампа, каде 30-годишна жена починала откако се задавила со храна за време на семеен ручек.
Ванина Соледад Соса во моментот на несреќата била во домот со својата мајка и двете деца, на возраст од 11 и 6 години.
Откако парче храна ѝ ги блокирало дишните патишта, децата веднаш истрчале надвор и почнале да бараат помош. Нивните повици ги слушнал сосед, кој влегол во домот и веднаш ја пренел жената со автомобил до болницата во Сумампа.
Лекарите се обиделе да ја реанимираат и да ги ослободат дишните патишта, но и покрај нивните напори, жената починала кратко по пристигнувањето во болницата.
По трагедијата интервенирала и полицијата, која разговарала со членовите на семејството. Случајот првично бил третиран како природна смрт, додека надлежните ја очекувале соодветната медицинска потврда.
